Ruhi, jo ab Aarohi ke roop mein thi, apni purani zindagi ke baare mein soch rahi thi. Usne apni aankhon ko bandh kar liya aur ek gehri saans li, jaise purani yaadon ko apne andar se bahar nikaal rahi ho.

Uski purani zindagi mein, wo ek aise ladki thi jo apni takleef se bhaag kar kuch aur dhoondhne ki koshish kar rahi thi. Wo cancer se joojh rahi thi, aur har din uska jeevan sirf ek aur din jeene ka ek jaddo-jahad tha. Har din ka dard badh raha tha, lekin usne apni dard ko kuch aur mein chhupane ki koshish ki thi. Ek din, usne apne aap ko ek nayi duniya mein dhoondha—novels ki duniya. Kitabein uske liye ek aise safar thi jahan wo apne dard ko bhool jaati thi.